طورطة باردة بمسحوق كْوَاخَدَا وبسكوي بصور

طورطة باردة بمسحوق كْوَاخَدَا وبسكوي بصور 

من الاخت ام اسامة وايمان

مقادير :

1 لتر كريم فريش 

1 نيستلي مركز زمحلى 

1 لتر حليب 

1 علبة كواخادا 

2 علب بسكوي أنا كنعمل ماريا وانتوما شوفو لي يناسبكم 

شوية د الحليب لي نجمع بيه البيسكوي

طريقة تحضير :

نطحن البيسكوي ونخلط معاه شوية د الحليب حتى يتجمع ونعملو

في مول كيتحل من الجناب منين نكون كنمدو فالمول ممكن نفزك يدي بشوية د الحليب 

حيت كتكون كتلصق وندخلها للمجمد على مانوجد الخليط

نعمل الحليب في طنجرة ونخوي عليه 4 كواخادا ونحرك مزيان

نضيف الحليب المركز مع التحريك المستمر

ثم الكريم فريش مع التحريك

غير نتأكد أن كل الخليط امتزج مزيان نعملو على العافية مع التحريك المستمر حتى يبدى يغلي

نفرغ الخليط فوق مغرفة الحريرة ومنها ينزل بشوية للبيسكوي

ونخليها تبرد شوية وندخلها للثلاجة كتاخد من 2 إلى 3 ساعات باش تبرد مزيان

ونزينها حسب الرغبة ممكن تقدميها بعد الأكل كتجي رااائعة جدا 

هاهي طورطة واجدة

بالصحة والراحة