تحضير حلوة الكروفيت بعقدة اللوز من حلويات عيد الفطر

                                 السلام عليكم الحادكات اليوم اول حلوة نحطها في حلويات عيد الفطر

وهي تحضير حلوة الكروفيت بعقدة اللوز وتصنف من حلويات عيد الفطر

حلوة الكروفيت بالصور

مقادير وطريقة تحضير حلوة الكروفيت

مقادير عجينة حلوة الكروفيت

 كيلو ديال الفورص النوع الممتاز انا كنستعمل تريا

كاس ديال زبدة مدوبة ومصفية كنستعمل زبدة صفراء ديال العبار

نفس الكاس ديال زيت كاس ديال ماء زهر

شوية مسكة حرة شوية ملح

وكنجمعوها بالما دافئ وندلكوها مزيان تقريبا شي نصف ساعة

او اكثر وكنخليوها ترتاح عاد نستعملولها

                           طريقة عجينة اللوز ديال حلوة الكروفيت

كيلو ديال اللوز البلدي لي كنخويو عليه ماء غليان ونخليوه واحد 5دقائق ونصفيوه

ونقشروه ونخليوه ينشف من الماء ونديروه يطحن 2مرات نزيدو عليه كاس

ديال زبدة مدوبة ومصفية ومسكة حرة و قطرات روح ديال زهر

ولا 2معالق كبار ماء زهروحتى هو خصو يتدلك مزيان شي 15 دقيقة

تدلك عجينة اللوز لكي نحصل على عقدة متجانسة ومتماسكة

 

بعدما لونا العجينة باللون المناسب الشبيه بلون الكروفيت بدأنا بتشكيل الحلوة

 

 كندلك العجين اكنحشيه بالعقدة

 

 كنبدا نشكل الحلوة على شكل كروفيت

 

كنقشها بالمنكاش

 

 نستفها فالطاوة اوكندخلها لفران

 

وبالصحة والراحة