كيك الرولي بالكونفتير والكوك سهل ولذيذ

المقادير
175غرام دقيق
4بيضات
125غرام سنيده
شويةالملح
2 خمارات
كونفيتير ديال الفريز
الكوك

طريقة التحضير
نخلطو جميع المقادير في المولينكس مزيان ونوضعوها في لاطه مربعه عندها الجناب طالعين متكونش كبيره بزاف مدهونه بالزيت او من الاحسن بورق الالومنيوم باش تجينا سااهله مللي نبغيو نزولوها
ندخلوها للفرن مسخن من قبل على حراره متوسطه حتى طيب الجينواز راكم عارفين منحلوش عليها وهي مازال طالعه حتى نحسو بيها طابت عاد نقلبوها.  

هاهي مللي خرجتها من الفران

خاصنا نزولوها من الصينيه وهي مازال سخووووونه باش مللي نروليوها ترولا بلا ما تهرس 

نقطعو ليها الجناب عاد نلفوها وهادشي كولو خاصو يكون وهي سخونه

نوجدو فوطه مبلوله شويه بالماء ونحطو الجينواز في الفوطه و نلفوها بهاد الشكل ونتركها شوية

وندهنوها بالكونفيتير ونديرو الكوك على هاد الشكل

ونعودوا نلفوها على هذا الشكل

ونزينوها كيفما بغينا على حسب الرغبة

وبالصحة والراحة